DAVAO CITY – Laing establisamento na usab ang gipa-sirhan sa BIR kagabii gumikan sa pakyas nga pagdeklara sa ilang tinuod nga kinitaan.
Gikanayon ni BIR XI Regional director Nuzar Balatero nga ang Golden Dragon KTV and Restaurant, wala mideklara sa ilang saktong kinitaan alang sa first semeneter niadtong tuig 2017.
Pinaagi sa pagpanubay sa BIR nasuta nga ang maong establisamento nagbaton ug kiinatibuk-ang kita sa maong panahon ug P15.6 million, apan gideklara lamang niini ang P4.103 million nga revenues.
Tungod sa nahisgutang kalapasn, gikanayon ni Balatero, angayang mobayad ang management sa maong KTV bar ug P1.5 million nga buhis aron subli kining maka-operate.
Hinuon, nanaad ang restaurant nga hinanaling bayaran ang ilang utang ngadto sa BIR.
Gipasalig usab sa operations manager niin nga si Richie Sabrine nga gi-andam na sa ilang bookkpeerper ang pang-bayad aron makabalik dayon sila sa pagpangabri karong gabii.
Gawas niini, nakalapas usab ang establisamento sa ilang point-of-sale machines diin angayang naay libro sa tupad niini nga morecord sa ilang tanang kita ug gigastuhan.
Kini na ang ika-duhang establisamento nga gi-papdlock sa BIR XI karong tuiga isip kabahin sa Oplan kandado program sa nahisgutang buhatan.
Niadtong adlaw nga martes, gi-padlock niini ang Cafe Demitasse gumikan sa kapakyas pagbayad ug tukmang buhis.
Hinuon, dali usab nga nabalaik sa ilang operasyon human mibayad dayon sa ilang utang nga buhis.
