Subling gitubag ni Kris Aquino ang mga nagapakatag og sayop nga impormasyon ug “wishing Kris dead” nga mga post sa social media samtang nagpaambit siya og update kabahin sa iyang padayon nga pagtambal alang sa autoimmune diseases.
Sa iyang Instagram post kagahpong adlawa, miingon si Kris nga adunay mga higala kini nga nagpaambit sumala pa og mga hulagway nga iyahang gihulgway nga the 80th bad taste ‘wishing KRIS dead post’ ug gani wala niini kapugngi sa pagtawag kanila nga you are a liar!”
Gitan-aw niya ang usa ka pekeng post nga nag-ingon nga nahulog siya sa usa ka family gathering, nga adunay AI-generated nga litrato nga nagpakita nga hapit na siya mamatay.
Gilimod kini ni Kris kini ug gibutyag nga ang tinuod nga litrato kuha sa dihang nagbasa siya og libro sa iyang iPad niadtong Miyerkules sa gabii.
Gipaambit usab ni Kris ang iyang delikadong kasinatian human sa usa ka infusion treatment, diin hapit kini makabsan sa kinabuhi human magpakita og dili maayong reaksyon ang iyang lawas sa medisina.
Sumala pa ni Kris, karon siya naka-isolate uban sa iyang mga anak nga sila Josh ug Bimby tungod kay grabe kaubos ang iyang immunity.
Bisan pa niini, nagpasalamat siya nga nahatagan siya og panahon aron magbasa ug mag-ampo.
Iyang gipahayag usab nga dili pa siya hingpit nga naaayo, apan nakunhuran na ang mga sintomas sa iyang mga sakit sama sa grabe nga ubo ug pagpamula sa iyang nawong.
Matud pa sa Queen of All media, bag-ohay lang siya nga nag-undergo og pipila ka surgical procedures isip kabahin sa iyang mas agresibong pagpatambal.
