Human sa pipila ka tuig nga mga kaso sa korte ang giagian sa Korean Girl group nga New Jeans, nakahukom na kini og bag-ong pangalan nga maoy itawag sa ilaha.
Diin, gikan sa New Jeans mamahimo na kini nga NJZ.
Sumala sa usa sa ilang mga miyembro, si Pham Ngoc Han, ang pagbag-o sa ngalan mao ang pag-ilis sa mapait nga nangagi sa usa ka kulbahinam nga kaugmaon sa ilang grupo.
Gikompirmar usab sa grupo nga motambong kini sa CompexCon Hong Kong Festival karong Marso diin ipasundayag ang ilang bag-ong kanta.
Ang grupo naglangkob sa mga miyembro nga si Kang Haerin, Kim Minji, Lee Hye-in ug Danielle Marsh.
Nagsugod kini kaniadtong 2022 diin ilang gipasikat ang mga kanta nga “Get Up”, “Super Shy” ug uban pa.
Kahinumduman nga niadtong Nobyembre sa miaging tuig, nabuwag ang grupo sa ilang agency gumikan sa manipulasyon ug dili maayong pagtratar hinungdan nga nakahukom kini nga ilisan ang ilang pangalan.
