Gipanghimakak sa Korte suprema ang nahimong pamahayag ni Senator Risa Hontiveros, nga nagkanayong nagkahiusa ang labaw nga hukmanan aron balikyaron ang orihinal nga desisyon niini sa kaso sa League of Cities of the Philippines v. Comelec (2009).
Sa gipagawas niining pamahayag, gitin-aw ni SC spokesperson Atty. Camille Sue Mae Ting nga ang desisyon sa korte suprema sa kaso sa League of Cities ang dili unanimouse sukwahi sa gipamugos ni Hontiveros kung diin angayan nga subayon niini ang namantala nga decision ug resolution sa Supreme Court E-Library and the Philippine Reports.
Dugang pa ni Ting nga wala matino sa korte suprema kung unsa ang nahimong source ni Hontiveros sa nahimong pamahayag niini.
Gipagawas sa supreme court ang maong katin-awan human gikanayon ni Hontiveros atol sa init nga panaglantugi sa senado sa impeachment case ni Vice President Sara Duterte niadtong adlaw nga Miyerkules, nga ang kaso sa League of Cities of the Philippines v. Comelec (2009) ug sa International Service for the Acquisition of Agri-Biotech Applications, Inc., et al. v. Greenpeace Southeast Asia (2016) ang hiniusang gi-usab sa SC En Banc ang orihinal nga desisyon niini.
