Gibalibaran sa korte sa South Korea ang ikaduhang pagpangayo nga lugwayan ang pagbilanggo sa na-impeach nga si Pangulong Yoon Suk Yeol.
Naaresto si Yoon niadtong milabay nga semana gumikan sa insurrection charges, nga unang presidente sa South Korea nga nabilanggo sa usa ka kriminal nga pag-imbestiga.
Gipahayag sa mga prosecutor, nga gibasura sa Seoul Central District Court ang gipangayo nga lugwayan ang pagbilanggo kang Yoon.
Giplanohan sa mga prosecutor nga ipabilin si Yoon sa kustodiya hangtod Pebrero 6 alang sa pagtaral una kini pormal nga kasuhan, apan, ang nahisgutang plano ang gikinahanglang usbon.
Mibalibad usab si Yoon nga magkooperar sa gi-atubang niining imbestigasyon kung diin gikatarungan sa legal defense team niini ang kakulang sa legal authority sa mga nag-imbestiga.
