DAVAO CITY – Hapit sumala pang mapatay sa Koreanong agalon ang iyang kaugalingong assistant cook sa usa ka restaurant tungod sa nawala nga sagol sa pagluto.
Dali nga nipatala ug nagpakitabang ang usa ka Mariel J. Castro, 20-anyos, usa ka assistant cook, residente sa Liw-liw Village, R. Castillo, Agdao, ning dakbayan sa Dabaw human kini giti-unan ug kutsilyo sa liog sa iyang Koreanong amo.
Naila usab ang suspek nga usa ka Kung Leon Yang, 56-anyos, residente sa Roseville Subdivision, Barangay Angleonto, ning dakbayan.
Subay sa reklamo, nagluto sumala pa niadtong higayona ang nahisgutang Korean national sa dihang gitawag niini ang iyang assistant ug gipangutana kung asa ang mga sagol labi na ang cheeze apan halos wala usay natubag ang biktima, rason nga nasuko ang Koreano.
Unang gikuha sa Koreano ang barbecue stick ug sa wala kini nakontento hinungdan nga nagkuha kini ug kutsilyo ug giti-on sa li-og sa biktima.
Sa kahadlok sa assitant cook, dali kining m-report ug nagpakitabang sa Sasa Police Station.
Sumala sa biktima, dili sumala pa kadto ang unang higayon nga hapit golgolon ang iyang li-og sa grabe nga kasuko sa iyang Koreanong agalon.
Ginahimo usab sumala pa kini sa suspek ngadto sa iyang lain pang mga trabahante.
