Nanawagan ang Malacañang og kooperasyon ug panaghiusa gikan sa publiko taliwala sa epekto sa krisis sa Middle East.
Sumala ni Undersecretary, Presidential Communications Office,Claire Castro, importante ang pagtinabangay samtang nasinati sa nasod ang pagsaka sa presyo sa lana ug paghuyang sa piso.
Gibutyag ni Castro nga nasabtan ni Pang. Ferdinand Marcos Jr. ang mga kabalaka sa publiko, apan dili kuno sala sa gobyerno ang sitwasyon nga bunga sa tensyon tali sa Estados Unidos, Israel, ug Iran.
Dugang pa niya, prayoridad karon sa Pangulo ang paghatag og ayuda, lakip na ang fuel subsidy ug pinansyal nga tabang sa sektor sa transportasyon, samtang gibalanse ang kaayohan sa mga commuter ug drayber.
Gidasig usab sa Malacañang ang publiko nga mosalig sa mga lakang sa gobyerno ug makig-uban taliwala sa nagpadayon nga krisis.
