Nakonbikto sa kasong graft ang usa sa mga akusado sa kontrobersyal nga P24-million textbook scam niadtong 1998, nga si Mary Ann Maslog human mapamatud-an nga sad-an sa Sandiganbayan.
Sa promulgation nga kaso, gisentensiyahan sa Sandiganbayan Second Division si Maslog og hangtod sa 10 ka tuig nga pagkapriso.
Una niini, giakusahan si Maslog, kauban ang 2 pa nga si Emilia Aranas ug Ernesto Guiang, gumikan sa pagpameke sa mga record sa secure payments gikan sa Department of Budget and Management.
Diin ang iyang mga kauban nga si Aranas ug Guiang, susama nga nakonbikto usab ug gisentensiyahan sa anti-graft court sa labing taas nga 10 ka tuig nga pagkapriso niadtong 2020.
Ingon man nga nabutang sa archive ang kaso ni Maslog human gikataho nga mitaliwan kini niadtong 2019.
Apan, niadtong Setiyembre 25, 2024, nadiskubrehan sa National Bureau of Investigation (NBI) nga buhi pa kini human ang iyang fingerprint mitugma sa alyas nga gigamit nga si Jessica Francisco, kansa napriso gumikan sa pagkalambigit sa lahi nga scam.
