DAVAO CITY – Acute Gastro-interitis ang nahimong hinongdan sa pagka-hospital sa 38 ka mga atleta gikan sa Mati City.
Kini ang gihatagan ug katin-awan ni Dr. Josephine Villafuerte, sa City Health Office (CHO), kinsa namahayag nga ang mga kontaminado nga mga pagka-on gilakipan sa potsero, nilat-an nga baka, kalo-kalo ug lain pang sug-an.
Sumala pa nga pipila sa nahisgutan nga mga pagka-onb gibalon sa mga kabataan ug gituohan nga nabulad sa init sa adlaw hinongdan nga nakontamina.
Lima na lamang ka mga biktima ang nagpabilin sa Southern Philippine Medical Center ug padayon nga gipailalum sa obserbasyon
Nasayrean gikan kang Dra. Villafuerte nga niining milabay nga adlaw sobra ang naloto sa mga atleta nga delegado sa Mati City ug aron nga makadaginot gikalokalo ang kan-on ug gipang-init ang sobra nga su-an.
Kini ang hinongdan nga human sa ilang pagpanga-on misakit dayon ang tiyan sa mga tinun-an.
