DAVAO CITY – Nasanta ang kahinam sa konsumante nga maloto ang napalit nga dako nga Argentina Corned Beef human nga sa iyang pag-abli sa produkto nga gikan sa tindahan sa ilang dapit mao iyang nakita ang foam nga daw panghinis ug kaldero ug plato nga anaa sulod sa lata uban sa karne norte.
Sumala pa kang Victor Bong Verano, 46 anyos, nga taga-Leon Garcia, Agdao, ning dakbayan nga sud-an unta sa paniudto kaganina ang gipalit nga delata ni Bong apan wala na nila maloto human nga nakita ang foam.
Unang gidangpan ni Bong ang tindahan aron nga ipakita kung unsa ang anaa sa iyang napalit nga delata gikan kanila.
Human niini midangop dayon siya dinhi sa Bombo Radyo Davao aron nga magpakisayud sa iyang himoon.
Gipilo ang daw scotch brite nga foam ug gipahaum sa daku nga delata sa Argentina Corned Beef.
Daku ang pagtuo ni Bong Veranol nga dunay nagtrabaho sa cannery nga bout isabotahe ang kompanya hinongdan nga gisulod ang foam.
Dili pa maseguro ni Veranop kung ginamit na ang maong panghinis nga foam.
Saysay pa sa konsumante nga sa milabay nga panahon produkto gihapon sa nahisgutan nga kompanya nga dunay pako sa ok-ok ang iyang napalit.
Gipakigpahat ni Bong ang nakita sa maong produkto aron nga mag-amping sab ang mga konsumante.
Laraw niya nga modangop sa Food and Drugs Administration (FDA) ug Department of Trade and Industry (DTI) aron nga matan-aw ang uban pa nga mga batch sa nahisgutan nga produkto nga posibling gisabotahe sa ilang mga trabahante.
Nabalaka siya nga makadaut ang mga kontamidao nga produkto ngadto sa mga pumapalit.
Dugang pa niya nga dili kini ang unang higayon nga gimalas siya sa napalit nga produkto gumikan kay niadtong Nobyembre 22, 2016 delata nga dunay sagol nga pako sa ok-ok ang iyang napalit.
Gibalewala lamang niya kadto gumikan kay ang ok-ok kalakip man sa giila nga exotic food, apan karon nga hinis sa kaldero ug plato ang gisagol mireklamo na siya.
