DAVAO CITY – Mihatag ug katin-awan si Department of Public Works ang Highway (DPWH) Davao spokesperson nga si Dean Ortiz nga dili pa mamahimong agi-an karon ug mga sakyanan ang coastal road apan paningkamutan sumala pa nga matapos na kini sa mosunod nga tuig.
Sa kasamtangan nagpadayon sumala pa ang kunstruksiyon sa ikaduhang hugna sa dalan diin gikan sa Talomo area paingon na sa may times beach ning siyudad.
Hinuon bugtong ang mga indibidwal nga naga-jogging, walking, naga-ehersisyo ug nagabisikleta una ang gitugutan nga makauslod sa Talomo area nga coastal road ug dili pa mamahimo nga maka-agi ang dakbayan.
Lauman sumala pa nga sa mosunod nga tulo ka tuig, matapos na ang usa pa sa mga Major component sa coastal road.
Gani gilaoman sab sa nahisgutan nga sa nahisgutan nga panahon matapos na sab ang Bucana Bridge nga musubay sab sa opposite side sa coastal area.
Sa higayon nga matapos na ang coastal road, mamahimong anaa na lamang matud pa sa 10 ka minuto “from point to point “ang biyahe sa mga motorista.
Ang nahisgutan nga dalan ang usa sa pinakadaku nga proyekto ilalom sa build-build program ilalom sa Duterte administration.
