Mitubag si Konsehal Wilberto Al-ag sa paghawa sa pamilyang Al-ag gikan sa Hugpong sa Tawong Lungsod (HTL), ug gibutyag niini nga ilang gibuhat lamang mao ang pagtabang sa mga Dabawenyos nga nagkinahanglan og tabang ilabi na sa Ikatulong Distrito, pinaagi sa pagdala kanila sa Tingog Partylist.
Ang Tingog Partylist usa ka partido politikal nga gipangulohan sa asawa ni House Speaker Martin Romualdez, nga si Representative Yedda Marie K. Romualdez.
Si Mayor Sebastian “Baste” Duterte, Secretary General sa HTL Party, ang nagpahawa sa mga Konsehal nga sila Wilberto E. Al-ag, Bernard E. Al-ag ug Bernadette Al-ag nga mga taga Toril nga gikan sa partido.
Gikanayon sumala pa sa mayor nga human sa ilahang paghisgot a maong isyu, ang HTL nagpahibalo sa pagpahawa sa mga Al-ag.
Dungag sab niini nga kini nga aksyon gihimo subay sa Article 7 bahin sa Party Discipline ug Loss of Membership, partikular sa Section 6, nga naglaraw sa mga rason alang sa automatikong pagpahawa: nga anaa sa Article 7, Section 6(b): “Ang pagtabang sa uban nga mga partido politikal o indibidwal nga dili mga myembro sa Hugpong sa pagtuman sa ilang mga tumong o katuyoan nga walay pag-apruba sa Partido.”
Mibutyag ang mayor nga nakompirma nila nga kini nga mga indibidwal ang aktibong nagsuporta sa nasampit nga Partylist, usa ka partido politikal nga dili kauban sa HTL, ug ang ilang pag-apil sa mga kalihokan nagpasiugda og interes sa Partylist ug dili sa Hugpong nga agenda nga miresulta kini sa direkta nga paglapas ug pagpasipala sa mga lagda ug prinsipyo sa Partido.
Nisulay sumala pa sila ug paghatag ug katin-awan sa mga opisyal sa ilahang kanhing partibo apan wala kini gipaminaw.
