DAVAO CITY – Nagpagawas ug pahayag si Konsehal Pamela Librado-Morata kung nakahukom siya nga mo-withdraw sa iyang kandidatura alang sa nagsingabot nga eleksiyon.
Sumala sa nahisgutan nga human ang delibirasyon, nakadesisyon siya nga mo-withdraw na lamang sa iyang kandidatura isip konsehal sa unang Distrito ning siyudad.
Gikanayong mas daghanan sumala pa nga mga oportunidad ang naghulat kaniya aron nga padayon nga makaserbisyo ngadto sa mga dabawenyo pinaagi sa uban nga platforms.
Uban matud pa ang iyang pamilya, mamahimong makaserbisyo siya sa publiko bisan nga wala na City Council.
Nagpadayag sab kini ug pagpasalamat sa mga Dabawenyos sa pagsalig nga gihatag kaniya ug sa pamilya Librado sulod sa pipila ka dekada.
Naglaum ang opisyal nga mapahigayon nga malinawon ug matinud-anon nga eleksiyon sa Mayo.
Kahinumduman nga subli unta nga magpapili ang nahisgutan ilalom sa Hugpong ng Pagbabago-Hugpong sa Tawong Lungsod (HNP-HTL) apan gitangtang kini sa partido.
Una niini, gi-red tag ang nahisgutan sa National Task Force to End Local Communist Armed Conflict (NTF-ELCAC) ug gikanayong adunay kalambigitan si Librado sa kuministang kalihokan.
