DAVAO CITY – Gipahimangnoan ni re-elected Davao City 2nd district Councilor Danilo Dayanghirang ang mga dabawenyos batok sa pagsulpot sa mga nagkadaiyang investment schemes nga nagtanyag ug dakong tubo sa ilang mga investors.
Sumala pa kang Dayanghirang, gitumbok niini ang Kapa Community Ministry International Inc., nga kinahanglan naga-awhag nga mag-invest ug salapi bugti sa saad nga dakong tubo.
Gipahimangnoan niini ang mga residente nga dili isugal ang ilang salapi sa Ponzi-like investment schemes gumikan kay ang unang mga investors lamang ang makabenepisyo niini samtang kadtong mga naulahi ang wala sumala pay makuha pagbalik.
Gi-awhag sab sa opisyal ang Securities and Exchange Commission (SEC) nga mohimo gilayon ug aksiyon sa susama nga schemes.
Dili na sab sumala pa angayan nga hisgutan pa kini sa city council ilabi na nga nagpahimangno na si Mayor Sara Duterte ngadto sa publiko batok sa pag-invest sa Ponzi schemes.
Una ng gipanghimakak ni Mayor Inday nga nalambigit siya sa mga aktibidad sa Kapa.
Kahinumduman nga kaniadtong Mayo 24, nagpahimangno ang SEC sa publiko batok sa pag-invest sa ilang salapi sa Rigen ug sa susama nga mga investment schemes.
