Hugtanong gisaway ni konsehal Diosdado Mahipus Jr. ang kaubanan niining si Councilor Augusto Javi Campos III gumikan sa pagka-dili matinud-anon human mikatag ang mga hulagway niini kauban si Pangulong Ferdinand Marcos Jr, atol sa “Alyansa Para sa Bagong Pilipinas” convention sa Pasay City niadtong September 26.
Sa iyang privilege speech atol sa regular session sa konseho gikanayon ni Mahipus nga kinahanglan nga mohatag ug katin-awan si Campos ug ipahibalo sa ilang partido nga Hugpong sa Tawong Lungsod (HTL) ang estorya likod sa nahiisgutang hulagwat kauban si pangulong Marcos aron hingpit mahanaw ang mga kataghap ug mahatagan ug katin-awan ang tanan.
Si Mahipus ug Campos ang susamang sakop sa HTL, usaka local political party nga gitukod ni kanhi Mayor ug President Rodrigo Duterte.
Atol sa convention, gipresenta ni President Marcos isip chairman sa ruling Partido Federal ng Pilipinas (PFP) ang senate slate niini alang sa May 12, 2025 midterm national elections.
Samtang, gikanayon usab ni Campos nga tubagon niya ang privilege speech ni Mahipos atol sa usaka press conference nga iyang presscon.
Apan, hugot nga gipadayag ni councilor Campos ang iyang dakong pasalamat sa pag-silbi isip konsehal sa dakbayan sa Dabaw ilalom sa HTL party ni Duterte.
Sa pikas bahin, gibutyag usab ni councilor Bernard Al-ag, kanhi miembro sa HTL nga wala masubay sa insakto ang privilege speech ni Mahipos kung diin mas angayang ipasibaw kini sulod sa ilang partido.
