Gikunsedera ni Pangulong Ferdinand Marcos Jr. ang kondisyon ni Kingdom of Jesus Christ (KOJC) leader Pastor Apollo Quiboloy nga mugawas lamang siya kung magpagawas kini ug written declaration nga dili siya itugyan sa Estados Unidos, gumikan sa mga kaso nga giatubang usab niini sa nahisgutang nasud.
Matod pa sa Pangulo, daw wala kaayo nasabtan ang proseso nga sa higayong magpagawas ang korte ug warrant of arrest wala nay labot ang nasud niini gumikan kay anaa na kini sa mga kamot sa korte.
Dugang pa sa pangulo nga ang kaestorya na karon sa maong pastor mao ang korte gumikan kay ang papel lamang sa Chief Executive nga kabahin sa gobyerno, mao ang pagpa-aresto kaniya.
Una niini, nagduda usab si DOJ Undersecretary Raul Vasquez nga pagbigyan sa gobyerno ang kondisyon ni Pastor Quiboloy gumikan kay usa kini ka-legal nga issue nga gikinahanglang pagatun-an pag-ayo.
Kung kahinumduman nagpagawas ug pamahayag ang tigpamaba sa KOJC nga si Atty. Israelito Torreon nga atubangon sa maong pastor ang mga kaso niini kung si Pangulong Marcos jr. ang muhatag ug garantiya pinaagi sa written declaration.
Gawas sa written guarantee, gipangayo usab ni Pastor Quiboloy nga ingon ani usab ang himuon sa Philippine National Police, National Bureau of Investigation, ug PNP-Criminal Investigation and Detection Group.
Gipahayag pa sa tinubdan nga walay bisan si kinsa sa gobyerno ang makahatag ug garantiya ug giklaro usab niini nga adunay obligasyon ang Pilipinas sa extradition treaty niini sa Estados Unidos.
Dugang pa niini walay sumala pa bisan kinsang opisyal sa gobyerno ang gustong mosupak sa balaod gumikan kay tanang treaties ang nahimong balaod sa higayong mapermahan ug ma-confer sa Senado.
Kung kahinumduman usab gipahayag pa ni Atty. Torreon nga anaa sa gahum sa Pangulo nga seguruhon ang proteksyon sa katawhan niini.
Apan ilalom sa Section 48 sa RA 11479 adunay pagdili sa extraordinary rendition nga adunay kalabutan sa mga tawo nga giakusahan o nakumbikto sa terorismo ug unsa nalang kaha ang usa ka tawo nga giakusahan ug human trafficking.
