Gipasabot ni Heart Evangelista ang iyang mga komento kabahin sa iyang “Sad Eyes” atol sa State of the Nation Address (SONA) ni Presidente Ferdinand Marcos Jr., nga nahitabo kaniadtong Hulyo 28.
Matod ni Heart nga naguol siya sa kahimtang sa iyang mga binuhing iro nga sila si Panda ug Pochi nga naa sa tambalanan kaniadtong adlawa.
Sa Social media post, giangkon ni Evangelista nga wala siya sa maayong mood tungod sa kahimsog sa iyang mga binuhi.
Nanghinaot si Heart nga makauli na sila sulod sa usa ka semana.
Daghan sa iyang mga followers ang nipadayag sa ilang suporta ug pangandoy alang sa dali nga pagkaayo sa iyang mga binuhi.
Kauban ni Heart sa SONA ang iyang bana nga si Senate President Chiz Escudero ug ilang mga anak nga sila si Quino ug Chesi.
