Pormal na nga gianunsyo sa Kingdom of Jesus Christ (KOJC) ang pag-withdraw sa ilang suporta ngadto kang Pangulong Ferdinand “Bongbong” Marcos Jr. dungan sa panawagan sa pagkanaog na lamang niini sa pwesto.
Atol sa press conference, naghalo nga kapungot ug kadismaya ang gipangbati sa mga myembro ug supporters ni Pastor Quiboloy gumikan na usab sa nadawatang impormasyon sa pagsulong pag-usab sa nagkadaiyang propiedad ni Pastor Apollo Quiboloy nga una nang nahitabo kaniadtong Hunyo 10, ning tuig kasamtangan.
Gumikan niini, gikanayon ni Eleonor Cardona- Executive Secretary sa KOJC, nga naka-andam na usab silang magmartsa mismo sa Malacanang aron ipakita ang hugtanong pagkondena sa mga lakang sa kasamtangang administrasyon.
Sumala pa ni Cardona, walay utang kabubut-on si PBBM sa tabang nga gihatag ni Pastor Apollo Quiboloy kaniya media platform atol sa pagdagan niini isip pangulo diin nakatampo sa kadaugan niini sa pagpapresidente sa Pilipinas.
Dugang pa niini nga tungod sa betrayal og trust ni PBBM, hilabi pa sa pagbaligya sa ilang halangdong pastor sa Amerika, mas maayong palayason na lamang si PBBM sa nasud ug ipaglaban na lamang niini ang Amerika.
Nanawagan sab ang KOJC ngadto sa daghanang Pilipino nga makighiusa sa ilang laraw sanglit sayod sila nga dili lamang ang ilang simbahan ang nakabati ug nakasinati ug kalisod kondi lakip na ang katawhang pilipino.
