Subling nagpaguwa na usab sa ilahang pamahayag ang mga miyembro sa Pastoral ilawom sa kongregasyon ni KOJC Leader Pastor Apollo Quiboloy, gumikan sa mga alegasyon nga matud pa adunay daghan pang mga nahimong biktima sa pag molestiya ug pagpang rape sa mga maanyag nga mga kababaihan nga miyembro sa Pastoral Care Ministry.
Gihimakak sa pipila ka mga pastoral ang maong akusasyon, gumikan og tinuod pa kana nga adunay gipang-abuso ug nabiktima sa rape, dugay na matod pa sila nangayog tabang bisan pa niadtong panahon sa 16 Day KOJC Siege sa mga kapulisan.
Gani, dali na lamang matud pa sa ilaha nga makasumbong ngadto sa mga otoridad gumikan anaa na kini sa sulod sa maong compound ang lima ka libo ka mga personahe sa kapulisan.
Apan wala matud pa kana nila nabuhat bisan usa sa ilahang miyembro gumikan tataw niini nga wala matud pay kamatuoran ang ginamugna karun sa pipila ka mga indibidwal nga mga alegasyon nga matud pa adunay gi-rape ug gi-molestiya nga mga batang babaye ni Pastor Quiboloy sa sulod sa maong religious group.
Sa karun padayon gihapon ang ilahang panawagan karun aron maangkon na ang tukmang hustisya alang kang Pastor Quiboloy, gumikan hugtanon sumala pa kini nilang ginatuohan nga inosente ug walay salaod nga nabuhat ang maong pastor.
