Nagkaduol na sa ilang dugay nang gihandom nga kampeonato ang New York Knicks human niiini mapildi ang San Antonio Spurs, sa score nga 105-104, sa Game 2 sa NBA Finals ug makuha ang 2-0 nga abante sa serye.
Si Jalen Brunson maoy nahimong bayani sa Knicks human makasulod og go-ahead free throw nga adunay 9.5 segundos na lamang ang nahibilin sa dula human sa turnover ni Victor Wembanyama. Si Karl-Anthony Towns miposte usab og 21 puntos ug 13 rebounds, samtang sila Brunson ug Mikal Bridges nakadugang og 20 puntos matag usa alang sa Knicks.
Kini na ang ika-13 sagunson nilang kadaugan, nga ikaduha sa labing taas nga winning streak sa kasaysayan sa NBA playoffs. Nahimong ikatulong team lamang ang Knicks nga nakadaog sa unang duha ka dula sa NBA Finals sa tugkaran sa ilang kontra, sunod sa Chicago Bulls ni Michael Jordan niadtong 1993 ug sa Houston Rockets ni Hakeem Olajuwon niadtong 1995.
Ang duha ka maong team nakadaog usab sa kampeonato. Bisan sa hilom nga unang bahin sa dula, nakahatag si Wembanyama og 29 puntos alang sa Spurs samtang si De’Aaron Fox midugang og 20 puntos.
Nakagukod pa ang Spurs gikan sa 12 puntos nga pagkabiya sa ika-upat nga kwarter ug nakakuha pa gani kini og 104-102 nga abante human sa three-point play ni Wembanyama nga adunay 57 segundos pa nga nahibilin.
Apan nakatubag dayon ni Brunson aron matabla ang dula, ug sa ulahing mga segundo, napugos sa turnover si Wembanyama nga maoy nakahatag og higayon sa Knicks nga mabawi ang abante pinaagi sa free throws ni Brunson.
Sa katapusang dula, gisulayan ni Wembanyama ang game-winning jumper apan misablay kini, nga maoy nagtapos sa paglaom sa Spurs sa maong duwa.
Sa sunod nga dula, mobalhin na ang serye ngadto sa Madison Square Garden alang sa Game 3 nga pagadulaon sa adlaw nga Martes dinhi sa Pilipinas kon gabii sa New York City.
