Kisses Delavin, usa na ka ballerina sa usa ka dance school sa New York City

Human sa upat ka tuig nga kalit nga pagkawala sa Miss Universe candidate Kisses Delavin, karon usa na kini ka ballerina sa usa ka dance school sa New York City.

Makita sa video ang laing Kisses, gikan sa nailhan nga aktres, endorser ug beauty queen kay anaa na kini sa hilom ug matahom nga kinabuhi sa langyaw nga nasud diin nagpadayon sa pagkab-ot sa iyang passion layo sa mga camera ug fans.

Sa iyang katapusang post sa social media kaniadtong Oktubre 2021, hilom nga mibiya si Kisses sa kalibutan sa showbiz.

Walay dramatikong panamilit, walay dagkong pahibalo ug gibarugan ang usa sa mga nitatak nga linya nga iyang nabuhian, diin gusto niini nga mahinumduman siya sa mga tawo isip “the girl who ran away.”