DAVAO CITY – Nagpabilin karon sa Southern Philippines Medical Center (SPMC) ang kinse ka mga pasahero sa jeep nga gidaro sa nawad-an ug kontrol nga forward truck nga midasmag sa jeep depasahero mga alas 8:00 pasado sa buntag NING milabay nga adlaw.
Subay niini nagpabilin pa gihapon sa kustodiya sa Sulop PNP ang driver sa nahisgutan nga truck nga usa ka Roberto Literal, 47 anyos, residente sa Cogon, Malungon, Sarangani Province.
Nawad-an ug kontrol ang driver samtang nagmaneho sa forward truck subay sa national highway sa Sitio Tawal, Taginsuli, Sulop, Davao del Sur diin gikasugat niini ang de pasahero nga sakyanan nga gimaneho sa usa ka Sonny Talisayan, 47 anyos, residente sa dakbayan sa Cagayan de Oro.
Sakay sa jeepney ang mokabat ngadto sa katorse ka mga pasahero, diin gumikan sa nahisgutan nga bangga nakahi-agum ug samad ug bun-og sa kalawasan ang mga biktima nga padayon nga gitambalanan sa SPMC.
Kasong reckless imprudence resulting to multiple injury ang damage to property ang posibling atubangon sa driver sa forward truck.
