DAVAO CITY – Halabihang sukoa ni Rose, ang inahan sa 9-anyos nga bata human nga gibinuangan sa usa ka construction worker pinaagi sa sa pag-ugay-ugay ug paghaso-haso sa kinatawo niini.
Ang gireklamo nailhan nga usa ka Renmark Ipic, 21-anyos, construction worker, lumad nga taga Pacquibato, ug temporaryo nga nag-abang sa Mamay, Angliongto ning dakbayan.
Sumala pa nga nag-inom ang nahisgutan kauban ang iyang barkada alas 3 karong hapon, miduol sumala pa ang bata ngadto kanila kay duol ra kini sa ilahang balay, apan gikabuangan o gikomedyahan sumala pa nila ang bata nga misangpot sa paghupot niini sa kinatawo ug iyahang gihaso-haso.
Apan usa sa iyahang mga kauban ang mitug-an sumala pa sa inahan ug hilabihang laguta niini ug midangop sa kapulisan.
Nasayran nga kauban sa gireklamo ang amahan sa bata sa construction, gani iyahang gibutyag sa paghinabi sa Bombo Radyo Davao kang Renmark nga suod sila sa bata. Dili sumala pa niya intention ang pagbinuang niini.
Gibutyag sab niini nga straight siya ug usa siya ka lalaki ug kalingawan lamang ang ilahang nabuhat samtang sila nagtagay, diin wala siya mahubog gumikan kay nakahinumdom sumala pa siya sa panghitabo.
Ang kaso ang anaa na karon sa Women and Children’s Protection Desk (WCPD), samtang ang gireklamo ang nagtingkagol na sa Sasa PNP.
