Malampuson nga nasaka sa Amerikanong climber nga si Alex Honnold ang usa ka skyscraper sa Taiwan nga walay gigamit nga pisi, harness, ug bisan unsang safety equipment.
Ang building nga Taipei 101 adunay kataas-on nga 1,667 ka tiil ug gihimo sa puthaw, salamin, ug konkreto.
Si Honnold nailhan isip unang tawo nga nakasaka sa El Capitan nga walay pisi o safety equipment, usa ka 3,000 ka tiil nga granite cliff sa Yosemite National Park sa California.
Ang pagsaka unta himuon niadtong Sabado, apan tungod kay basa ang lugar human sa ulan, gisibog kini ug usa ka adlaw.
Nahuman niya ang pagsaka sulod sa usa ka oras ug 31 minutos, ug pag-abot niini sa tumoy sa building, nagkuha pa kini ug hulagway pinaagi sa pag-selfie.
Tungod niini, gitimbaya siya sa Vice President sa Taiwan nga si Hsiao Bi-khim, nga mibutyag nga posible siyang magkasakit kung buhaton niya ang maong pagsaka.
Nasayran nga una nang nasaka ang labing habog nga building ni Alain Roberts, nga iyahang nahuman sulod sa upat ka oras.
