-- ADVERTISEMENT --
DAVAO CITY – Giharangan sa Task Force Davao ang pagsulod sa usa ka pick-up dala ang mga kinarton nga bugkos sa mga ilegal nga sigarilyo atol sa Checkpoint sa Sirawan, Toril, Davao City niadtong Lunes sa hapon, Nobyembre 14.
Giendorso dayon sa TF Davao ug Toril Police Station ngadto sa Bureau of Customs Davao ang mga smuggled nga sigarilyo nga gibyahe ni Majid Hamjudan Amil, 51 anyos, taga-Purok 1, Km. 11, Muslim Village, Sasa, Davao City.
Wala matud pay mga papeles ang mga kargamento busa girekisa na ang mga kontrabando sa mga otoridad ug mag-atubang ang dinakpan ug kasong pagsupak sa Republic Act 10863 kon Customs Modernization and Tariff Act.
via || Bombo LJ Florendo
