Gilauman nga motambong si North Korean leader Kim Jong-un sa military parade sa Beijing karong Setyembre 3, kauban ni Chinese President Xi Jinping ug Russian President Vladimir Putin. Kini ang unang higayon nga mosalmot si Kim sa usa ka multilateral diplomatic event sukad siya mipuli isip lider niadtong 2011.
Ang iyang pag-apil gitan-aw nga timailhan sa mas lig-on nga alyansa tali sa North Korea, China, ug Russia, samtang nagpadayon ang tensyon batok sa Estados Unidos ug South Korea. Bisan pa man sa panawagan alang sa padayon nga diplomatikong negosasyon gikan kang South Korean President Lee Jae Myung ug U.S. President Donald Trump, mas gipili ni Kim ang pagpaduol sa Beijing ug Moscow.
Nahisgutan usab nga misuporta na ang Pyongyang sa Russia pinaagi sa pagpadala og tropa ug armas sa giyera niini sa Ukraine. Lakip sa tumong sa biyahe ni Kim mao ang pagpahapsay sa relasyon sa China ug ang padayon nga pagsuporta niini sa Russia. Sumala sa report, motupad si Kim sa wala ni Xi samtang si Putin anaa sa tuo, ug gamiton gihapon niini ang iyang “forest green train” isip sakyanan sa biyahe.
