DAVAO CITY – Gipalawman pa ang imbestigasyon sa kapulisan labot sa sumala pa abduction nga nahitabo sa may Pichon St. Ning dakbayan sa Davao.
Sumala pa ni SPO4 Jeffrey Bangkas sa Investigation and Detective Management Branch (IMDB) sa Davao City Police Office nga gi-abduct ang biktima nga si Ruby Jane Pilarin Aleman, hamtong ang pangidaron ug lumad nga taga-Tagum alas 6 sa hapon kagahapon ug nabuhian kini alas 10 sa gabii.
Una niini, nasakpan sumala pa sa mga suspek nga ga-text2x si Aleman ug sa paghiling sa cellphone naka-report na kini sa kapulisan hinungdan nga ila na lamang sumala pa nga gibuhian ang biktima.
Matud pa ni SPO4 Bangkas nga dili sumala pa kini matawag nga kidnapping tungod walay gipangayong demand ang mga suspek.
Dali nga gisundan sa kapulisan ang gisakyan sa mga suspek kauban si Aleman, human nga daling mi-report kanila ang ig-agaw sa biktima nga gidala siya sa wala niini mailhing mga lalaki.
Alas 10 sa gabii anaa na sa Padada, Davao del sur ug didto narekober ang biktima.
