DAVAO CITY – Gipasabot ni Mr. Jenielito Dodong Atillo, tigpamaba sa Department of Education (DepEd) XI nga karung adlawa sugdan ang Brigada Eskwela nga molungtad hangtud sa adlaw nga Sabado.
Matud pa kang Atillo nga ang regional kick off sa Davao region diin magsugod sila sa Mabini elementary School paingon sa Compostela Valley.
Laoman sumala pa nga ang tanan nga mga personahe sa DepEd XI makighiusa sa kick off karong adlawa ug daghanang mga tulonghaan na sab sa Davao region ang magsugod sa ilang tinuig nga aktibidad sa mga eskwelahan.
Subling gibutyag ni Atillo nga boluntaryo lamang ang brigada eskwela ug sayod na matud pa ang mga magtutudlo kung unsa ang penalty nga ilang atubangon sa higayon nga mohimo kini ug mga lakang nga supak sa ilang gipatuman nga mga polisiya.
Gipasabot ni Atillo nga dili rekisitos ug maangkon ug maayo nga grado ang usa ka estudyante kung motambong ang ilang mga ginikanan sa brigada eskwela.
