Kerwin Espinosa, nasuko sa alegasyong ‘ambush me’ ang pagpusil kaniya

Gisalikway ni Kerwin Espinosa, kandidato sa pagka-mayor sa Albuera, Leyte, ang alegasyon nga “ambush me” o peke lamang ang nahitabong pamusil batok kaniya.

Sa iyang paggawas sa ospital, gibatikos niini ang mga nag-ingon nga giimbento lamang ang maong insidente.

Giinsistir usab ni Espinosa nga unsaon pag-ingon nga scripted ang nahitabo kung double action nga bala ang mitugpa sa iyang dughan?

Nagpahayag usab siya og kabalaka sa iyahang kinabuhi human gipadayag sa Philippine National Police (PNP) nga adunay pito ka mga pulis nga ilahang giilang mga suspetsado sa insidente.

Kahinumduman nga niadtong Huwebes, gipusil si Espinosa samtanga naa siya sa iyahang pangampanya.