DAVAO CITY – Gilusad na karon sa kapulisan sa Bansalan, davao del Sir ang pagpangita sa mga kawatan nga misulod sa BCS Multipurpose cooperative nga naa nahimutang sa Ramon Delos Cientos St Brgy Poblacion Bansalan, Davao del sur.
Subay sa report sa bansalan Munisipal Police Station moabot sa P300,000 ang nakuha nga kuwarta sa mga kawatan gikan sa volt sa nahisgutang kooperatiba.
Gikanayon ni Marivie Garcia, 40 anyos, cashier sa kooperatiba, nakurat na lamang siya sa dihang nakita nga nangabungkag na ang mga gamit sa ilang opisina.
Sa inisyal nga imbestigasyon sa Bansalan MPS duha o kapin pa ang mga kawatan nga misulod sa nahisgutang establismanto ug giguba ang pultahan niini.
Gigamitan usab ug bug-at nga butang sa mga suspect ang volt niini hinungdan sa pagka-guba ug malampuson nga nakuha ang mga kwarta.
Ginasubay pa usab sa kapulisan kung aduna bay CCTV camera sa palibot sa kooperatiba aron magamit sa ilang ilusad nga imbestigasyon.
Samtang, mihimo na usab ug pagpasabot ang mga personahe sa nahisgutang kooperatiba ngadto sa ilang mga miembro labot sa nakawat nga dakong kanitdad sa kuwarta.
