Gideklara isip Binibining Pilipinas International ang pangbato sa Davao region nga si Katrina Johnson. Mipatigbabaw ang pangbato sa Davao region sa kinatibuk-ang 35 nga misalmot sa coronation night nga gipahigayon sa Araneta Coliseum.
Ang nahisgutan mao ang magrepresenta sa nasud sa Miss International Competition kung diin gipasa ni Myrna Esguerra ang iyahang titulo.
Samtang nakuha usab ni Annabelle Mae McDonnell sa Iligan City ang Binibining Pilipinas 2025 Globe 2025 samtang first runner up usab si Dalia Varde Khattab sa Las Piñas ug 2nd runner up si Kathleen Espenido sa Siargao.
Nakuha usab ni Khattab ang Best in Swimsuit samtang best in national costume si Blessie Villablanca sa Antique ug si Johnson usab nakuha ang Best in Evening Gown. Giharana usab sa grupong SB 19 ang mga contestants sa ilahang pagrampa.
