Ang mga kasundalohan sa 66th Infantry Battalion, ubos sa 10th Infantry “Agila” Division sa Philippine Army, dali nga mitabang sa paghatud og humanitarian assistance ngadto sa mga pasyente ug staff sa Davao Oriental Provincial Medical Center sa Mati City human ang kusog nga magnitude 7.6 nga linog nga miigo sa Davao Region karong adlawa.
Ang Agila Division misugod dayon sa ilang Humanitarian Assistance and Disaster Response (HADR) protocols, ug nagpadala og Disaster Response Units (DRUs) ug mga medical team ngadto sa labing apektadong mga lugar sa Davao Oriental ug Davao de Oro.
Ang mga senior nga opisyal sa 10ID ug OCD Region XI misakay sa Black Hawk helicopter aron magsusi pinaagi sa Rapid Damage and Needs Assessment (RDANA) sa kahimtang sa lugar.
Nakumpirma nila ang presensya sa mga kaswalti, landslide, ug kadaut sa mga imprastruktura sa daghang mga lungsod.
Gisiguro ni Major General Allan Hambala, Commander sa 10ID, ang ilang paningkamot sa tabang sa mga kasundaluhan pinaagi sa pagtinabangay uban sa LGUs ug mga ahensya aron protektahan ug tabangan ang katawhan sa panahon sa kalisdanan.
