DAVAO CITY – Dili mokompirma si Lt. Col. Raymund Dante Lachica, commander sa 3rd Infantry battalion kung mga rebeldeng NPA ba ang reponsabli sa pagsunog sa Hauler Truck sa Talandang Tugbok District niadtong Lunes sa gabii.
Sumala pa kang Lachica nga nagpadayon pa ang gilusad nga imbestigasyon sa insidente, mao nga dili pa gayud matumbok kung unsa nga grupo ang nagpaluyo niini.
Kung NPA man sumala pa kang Lachica mopagula sab kini sa ilang pahayag.
Dugang pa ni Col. Lachica nga naabog na nila ang mga NPA sa ilang AOR labi na sa ikatulong distrito ning dakbayan. Dili pa lamang dugay nagkasangka ang mga NPA ug tropa sa kagamhanan.
Sumala pa kang Lachica daghanan na sab sa mga NPA ang nagpadayag nga mosurrender na kini sa 3rd IB.
Sa kwentada kapin sa usa ka gatus ka mga NPA na ang mitahan na sa area sa 3rd IB.
Andam sab ang 3rd IB nga mosuporta ug pwersa alang sa seguridad sa umaabot nga Kadayawan Festival sunod bulan.
