Gikumpirma sa Department of Justice (DOJ) nga ginasusi na pag-ayo ang resolusyon sa kasong grave threats ug inciting to sedition batok kang Bise Presidente Sara Duterte. Sumala kang DOJ spokesperson Atty. Polo Martinez, aduna nay draft ang maong kaso apan kini paga-usisahon pa katong panahuna.
Giisip nga pending ang kaso tungod kay ginatun-an pa kini sa mga division head sa DOJ. Kahinumduman nga niadtong Pebrero 2025, naghain og kaso ang National Bureau of Investigation (NBI) human sa giingong hulga ni Duterte niadtong Nobyembre 2024.
Sa maong pahayag, giingon sa Bise Presidente nga adunay iyang gi-hire nga tawo aron patyon si Presidente Ferdinand Marcos Jr., First Lady Liza Marcos, ug House Speaker Martin Romualdez.
Gipaklaro ni Martinez nga bisan pa man og nagdeklara na si Duterte sa iyang pagdagan isip presidente, dili kini makaapekto sa maong kaso.
