DAVAO CITY – Kasong reckless imprudence Resulting to multiple homicide and damage to property ang kasong atubangon sa usa ka Ricky Deloso, driver sa Metro Shuttle Bus nga gikabangga sa Vios nga sakyanan nila ni Janilou Faye Rosales, 21, nga bag-ohay pa lamang mi-graduate sa kursong Bachelor in Medical Labotarory Science sa San Pedro College dinhi sa dakbayan sa Davao ug sa higala niini nga usa ka Melody An Ybanez, 27 anyos.
Sumala pa kang Ricky nga bag-o lang siya nag-drop ug pasahero ug tul-id na unta ang iyang dagan subay sa Quimpo-Boulevard padulong sa Davao City Overland Transport Terminal (DCOTT) dihang naghaguros nga mitagbo sa iyang bus ang gikabangga nga sakyanan.
Negatibo hinoon sa gipahigayon nga pagsulay negatibo sa ilimnong makahubog ang bus driver.
Samtang ang Gasoline Boy nga usa ka John Mark Lastimoso, misaysaya nga nadaro pa sa bus ug gaaso-aso ang kotse human sa bangga gumikan sa kakusog sa dagan sa bus.
Una niyang namatikdan nga daw kalit lamang nga misugat sa gikatagbo nga bus ang kotse sa mga biktima.
