DAVAO CITY – Nakatala sumala pa karon ag dakbayan sa Davao dyutay nga pagsaka sa rape cases sukad Marso 15 hangtud Mayo 31, 2020 kung itandi sa susama nga panahon sa milabay na tuig.
Subay sa data nga gipresenta sa Women and Children’s Protection Desk sa Davao City Police Office, ang rapes cases sa nahisgutan nga panahon ang misaka sa 15 gikan sa 14 sa milabay nga tuig 2019. Adunay pagsaka usab sa ihap sa mga biktima.
Sa tuig 2020, ang rape victims misaka sa 18 gikan sa 15 sa 2019. Sagad sumala pa sa mga biktima kaniadtong Marso 15 hangtud May 31, 2020 ang nag-edad ug 25 anyos paubos apan kadaghanan niini ang anaa sa 12 ngadto na sa 17 anyos nga anaa sa lima ang biktima.
Aduna sumala pay duruha ka mga biktima nga kabahin sa singko anyos paubos ug tulo ka mga biktima nga kabahin sa 6 hangtud 11 anyos.
Kadaghanan niini mga estudyante apan karong tuiga, mas ubos kini kung itandi sa milabay nga tuig.
Sa tuig 2019, 12 ka mga estudyante ang nalugos samtang siyam ang natala sa tuig 2020.
Makita sab sa data nga ang mga rape suspects ang nagkabata kung itandi sa milabay nga katuigan.
Karong 2020, ang mga suspek ang anaa sa 25 anyos paubos diin misaka kini sa pito gikan sa upat kaniadtong 2019.
Samtang kadtong 25 pataas ang miubos nga anaa lamang sa walo sa tuig 2020 gikan sa 10 sa tuig 2019.
Sagad sab sa mga kaso sa rape nahitabo sulod lamang sa panimalay sa mga biktima. Anaa sab sa 13 sa nahisgutan nga kaso ang nahitabo balay o condominium sa biktima karong tuig 2020 kung itandi sa 11 sa tuig 2019.
