DAVAO CITY – Miubos ang kaso sa dengue sa dakbayan sa dabaw karong bulan sa Mayo.
Subay sa record sa city health office sa syudad naa na lamang sa 49 ang natalang kaso sa dengue sa syudad niining kasamtangang bulan.
Mas ubos sumala pa kini kung itandi sa nakalabay nga mga bulan diin gikan sa enero nakatala ang syudad ug 78, pebrero – 88, marso – 102, ug abril 104.
Bisan pa niini, gikanayon ni Beth Banzon sa tropical disease unit sa CHO nga padayon lamang gihapon nilang gipahugtan ang dengue campaign ilabi na nga sunod-sunod nang nasinatian sa syudad ang mga pag-ulan.
Gitutukan usab karon sa CHO ang 6 ka mga barangay adunay gikatalang mga kaso sa dengue nga gilangkuban sa barangay 76-A partikukar na sa SIR ug Kabacan, Buhangin, Agdao, Brgy 15-B o Obrero, Sasa, ug Talomo proper ning dakbayan sa dabaw.
Sa kinatibuk-ang ang dakabayan sa dabaw ang nakatala ug 372 ka mga dengue cases gikan sa bulan sa enero hangtud mayor niining tuiga kasamtangan 2021.
