DAVAO CITY – Nagpadayon karon ang pag-ubos sa mga nagpositibo sa covid-19 sa Davao region. Kahapong adlawa, nakatala ang DOH Davao Center for Health Development ug 47 ka kaso sa COVID-19 sa rehiyon hinungdan nga miabot na karon ang kinatibuk-ang active cases ngadto sa 1,400.
Sa bag-ong kaso, 24 niini ang gikan sa Davao City; 3 sa Davao de Oro; 5 sa Davao del Norte; 11 sa Davao del Sur; 1 sa Davao Occidental; ug 3 sa Davao Oriental.
Samtang sa 153 ka mga bag-ong recoveries, 58 ang sa Davao City; 31 sa Davao de Oro; 30 sa Davao del Sur; 16 sa Davao Occidental ug 18 sa Davao Oriental. Natala sab ang lima ka mga kaso sa namatay diin 2 niini sa Davao City (1 new case ug 1 late report); usa sa Davao de Oro; 2 late reports sa Davao del Norte.
Tanan sumala pa nga mga natalang kaso ang susama nga local cases.
Tungod niini, ang rehiyon adunay 50.5% available ICU beds, 71.1% available Isolation beds, 80.1% available Ward Beds, ug 66% available Mechanical Ventilators.
Gipasalig sa DOH nga ang gipagula nga data ang gi-update arun masubay ug tama ilabi na nga adunay ubay-ubay nga report nga sayop ang paghatag ug mga impormasyon.
