DAVAO CITY – Luyo sa pagsaka sa ihap sa coronavirus infections sa dakbayan sa Davao, gikanayon sa Department of Health (DOH) official nga maayo sumala pa ang sitwasyon karon sa Davao region human nga wala na kini nahilakip sa top 10 areas sa nasod nga adunay taas nga ihap sa mga active Covid-19 cases ug new cases.
Sumala pa kang DOH-Davao Assistant Director Lenny Joy Rivera nga base sa September 15 Covid-19 national bulletin, nga wala na nahilakip ang rehiyon sa listahan kini base sa DOH national data.
Usa mga rason niini ang pagtamud sa publiko sa minimum health standard, sama sa pagsuot ug face mask ug face shield sa pampublikong lugar, pag-obserba sa duruha ka metros nga physical distancing, ug paghugas ug kamot.
Hinuon dili pa gihapon angayan nga mokumpiyansa sanglit padayon pa gihapon ang pagsaka sa local transmission.
Una na ng nasayran sa opisyal nga base sa data, kinatibuk-ang 197 ka mga indibidwal ang na-infect gumikan sa local transmission sa bulan sa Mayo samtang 115 ang natala sa Hunyo.
