DAVAO CITY – Nagpabilin pa gihapon nga dakong bahad karong panahon ang pagkamatay sa mga baboy tungod sa African Swine Fever (ASF). Kahinumduman nga upat ka bulan na ang milabay dihang natala ang outbreak sa ASF sa Don Marcelino Davao Oriental diin liboan ka mga baboy ang gipamatay.
Apan sa kasamtangan, subli sumala pa nga nakatala ug susama nga kaso ang mga hog raisers sa Bansalan Davao del Sur hinungdan nga nagpahigayon na sila ug depopulation sa 17 ka baboy.
Gisubay pa sab karon sa Department of Agriculture (DA) kung asa nanukad ang bag-ong kaso sa ASF.
Samtang gibutyag ni Noel Provido, tigpamaba sa DA-11 nga inay nga ipatuman ang 1-17 protocol, ipatuman na lamang sa ahensiya ang pagmonitor sa mga baboy sulod sa 500 kilometer radius nga sakop sa lugar diin natala ang kaso sa ASF.
Himuon sab sumala pa ang pagpili sa mga baboy nga nagpabilin pa nga baskog ug ulahi kini sa mga nagkasakit.
Ipahigayon lamang sab sumala pa nila ang depopulation sa piggery diin namatay ang mga baboy tungod sa maong disease.
