DAVAO CITY – Doble amping karon ang siyudad sa Tagum City human nga nakasulod na sa ilang lugar ang African Swine Fever (ASF) Virus nga sagad mo-igo sa mga binuhing baboy.
Kahinumduman nga daghanan ng mga binuhing baboy ang gipamatay kini aron mapugngan ang pagkatag sa virus ug mapugngan ang outbreak.
Una ng gibutyag ni Dr. Jesus Edullantes, City Veterinarian nga positibo sa ASF ang mga binuhing baboy sa Purok Banana, Barangay Mankilam kini human nga migula na ang resulta sa gipahigayon nga laboratory examination.
Sa milabay nga adlaw, anaa na matud pa sa kapin 200 ang gipangluboy nga mga binuhing baboy nga kabahin sa maong lakang aron nga dili na mokanit sa uban nga mga lugar ang disease.
Kalakip sab sa gimonitor karon sa City Veterinary Office ang mga gipangbaligya nga mga karne sa baboy sa palengke ingon man ang gipahigayon nga pag-ihaw sa mga baboy sa slaughter house aron lamang dili kini makalusot sa mga palengke.
