Gikatahong paspas ang pagsaka sa acute malnutrition sa mga lugar sa Yemen nga kontrolado sa gobyerno, nga adunay labing kritikal nga mga kaso sa mga lugar sa baybayon sa Red Sea.
Mao kini ang gitaho sa U.N. food security experts sa kasamtangang sitwasyon sa naasoy nga lugar.
Ang gubat tali sa Saudi-backed government ug Iran-aligned Houthi militia nga pila na ka tuig nga milungtad, maoy usa sa hinungdan sa pagkahugno sa ekonomiya ug pagkaylab sab sa mga kabus sa bahin sa Arabian Peninsula ug usa sa pinakagrabe nga humanitarian crises sa kalibutan.
Matud sa Integrated Food Security Phase Classification (IPC) Technical Group sa Yemen nga ang malnutrisyon migrabe gikan sa hiniusang epekto sa pagkaylap sa mga sakit sama sa cholera ug tipdas, kakuwang sa masustansya nga pagkaon, kakuwang sa tubig nga mainom, ug mas lapad nga pagkunhod sa ekonomiya.
