Gipunting sa Department of Justice o DOJ nga walay nagbabag o nagdili sa pagpasaka og kaso batok kang Vice President Sara Duterte.
Matod ni Prosecutor General Richard Anthony Fadullon, walay babag aron dili makasuhan ang usa ka incumbent nga bise presidente, bisan pa man nga usa kini ka impeachable officer.
Gihimo ni Fadullon ang maong pahayag atol sa press briefing sa DOJ, human giingon sa kampo ni Vice President Duterte nga dili kuno siya mahimong i-prosecute samtang nagpadayon ang Senate impeachment trial.
Apan sumala sa DOJ, lahi ug separado ang proseso sa korte sa impeachment proceedings sa Senado.
Iyang gipasagdan sa korte ang pagdesisyon ug pagresolba sa kaso batok sa bise presidente.
Bag-o lang pormal nga gipasaka sa DOJ ang kasong grave threats batok kang Vice President Duterte, nga may kalabotan sa iyang giingong pagpanghulga sa kinabuhi ni President Ferdinand “Bongbong” Marcos Jr., First Lady Liza Araneta-Marcos ug kanhi House Speaker Martin Romualdez.
Samtang, gibasura sa DOJ ang inciting to sedition case batok sa bise presidente.
Gipadayag ni Fadullon nga ebidensya ang ilang gibasehan sa paghimo sa maong resolusyon.
Gilauman usab nga mosumite ang DOJ og komento sa motion to quash nga gi-file sa kampo ni Vice President Duterte, nga nagtumong sa pagbasura sa kaso batok kaniya.
