DAVAO CITY – Kasenati-an ni Police Senior Supt. Alexander Tagum sa bloody dispersal sa mga nanag-rally nga mga mag-uuma sa dakbayan sa Kidapawan ngano nga siya ang napili ni Davao City Mayor Inday Sara Duterte-Carpio.
Atol sa pagduaw ni Mayor Inday sa mismong buhatan sa DCPO Director gikanayon sa mayor nga ang dakbayan sa Davao nanginahanglan sa Police Officer nga sama ug kasenati-an ni Tagum.
Sumala sab kang Mayor Inday nga kung molusad ug rally ang mga militanteng pundok mamahimo man gihapon sila nga makalusad ug rally, gumikan ka yang kapolisan sa siudad naanad na man sa pagpatuman sa maximum tolerance.
Dugang pa ni Mayor Inday Sara Duterte-Carpio nga ang susamang kasenati-an sa bag-ong DCPO Director daku ug ikatabang sa dakbayan aron nga diha-diha gilayon nga makalihok ang kapolisan ug mamintina angt kahusay ug kalinaw.
Kanunay na nga ginapahayag ni Mayor Inday nga ang gusto niya nga DCPO Director mao kadtong mga Police Official nga dali kayo makasabot.
Human mabati ang pagsalig sa mayor ngadto kaniya, gipahayag sab dayon ni Police Senior Supt Alexander Tagum nga paningkamutan gayud niya nga mamahimong magmalinawon ang siudad ubos sa iyang pagdumala sa DCPO.
Nagtuo sab si Tagum nga ang iyang mga kasenati-an sa pagpamulis mao ang mamahimong sumbanan sa DCPO.
