Malampusong gipahigayon ang “Kasikas sa Kadayawan” kagahapong adlawa diin gipakita ang talento ug kultura sa mga Dabawenyos sa musika ug sayaw.
Samtang giablihan na usab ang Kadayawan Expo ug Food Trucks Bazaar sugod alas 4 sa hapon hangtod alas 10 sa gabie. Ang maong bazaar paga-ablihan og balik sa petsa 14 hangtod petsa 17 sa mas-sayo nga oras, alas 10 sa buntag.
Parsyal nga gisirad-an gihapon ang kadalan sa San Pedro St. alang sa pagpangandam sa lain pang umalabot nga aktibidad karong Kadayawan Festival 2025. Ang maong parsyal nga pagsarado mulungtad hangtod ala una sa kaadlawon sa Agosto 18.
Samtang, ginaatangan usab sa mga Dabawenyos ang ipahigayong Hiyas sa Kadayawan Grand Coronation Night ning adlawa las 5 sa hapon hangtod alas 10 sa gabie nga ipahigayon sa Usep Gymnasium.
