DAVAO CITY – Nahimong hapsay ang pagsaulog sa Bendita sa lukay o palm Sunday kagahapong adlawa ug walay natala ang kapulisan nga mga dagkung insidente dungan sa ilang gipatuman nga hugtanong seguridad sa mga miadto sa simbahan.
Apan kini sinugdanan pa lamang sanglit daghanan pa nga mga aktibidad ang angayan nga tutukan sa otoridad hangtud sa pasko sa pagkabanhaw o easter Sunday sa aldaw nga domingo.
Kahinumduman nga okupado karon ang otoridad ug gipakatag sa mga tagsa-tagsa ka mga simbahan sa dakbayan arun lamang hapsay nga mapatuman ang seguridad sa katawhan.
Gipahinumduman na lamang sa otoridad ang mga muadto sa simbahan nga kinahanglan dili na magsuot ug jacket, dili magdala ug dagko nga bag o mga canister o sudlanan ug tubig nga dili transparent.
Kamatikdan sab karon ang mga kapulisan nga nagapahigayon ug foot patrol timailhan sa hugtanon nga seguridad arun panahon sa kuwaresma.
