DAVAO CITY – Gideklara karon sa Malacanang ang Marso 1, 2022 isip special non-working holiday dinhi sa dakbayan isip pagsaulog sa ika-85th Araw ng Dabaw.
Kahinumduman nga mismong si Executive Secretary Salvador C. Medialdea, ang milagda sa Proclamation 1313 sa milabay nga Pebrero 28 pinaagi kang Pangulong Rodrigo Duterte.
Gikanayong hatagan ug kahigayonan ang mga residente sa siyudad nga saulogon ang okasyon.
Apan una ng gibutyag sa lokal nga kagamhanan nga ang tanan nga mga aktibidad sa Araw ng Dabaw ang ipahigayon pinaagi sa online bisan nga anaa karon sa Alert Level 1 ang Davao.
Una na sba nga gipasabot nga ang pagsaulog sa Araw ng Dabaw ang gisibog gikan sa Marso 16 ngadto sa Marso 1 sukad pa kaniadtong 2020 kini subay sa Republic Act 11379.
Unod sa balaud, ang Araw ng Dabaw kinahanglan usa ka special working holiday ug bugtong ang Pangulo lamang ang maka-deklara kung usa kini ka special non-working holiday.
Gikanayong ikatulo na kini nga araw ng Davao nga kanselado ang mga physical activities gumikan sa Covid-19 pandemic.
Pipila sa mga aktibidad nga gihan-ay ang gilangkuban sa Misa Pasasalamat, Opening Ceremony, Tilaw Dabaw, Pasidungog: Garbo sa Davao, Hugyaw Dabaw All Stars,ug Pahalipay.
