Nangandamn na si Karl Eldrew Yulo alang sa Asian Gymnastics Junior Championships ug Junior World Championships karong tuiga.
Diin matud niini nga matag adlaw kini nga naga-practice, bisan paman nga wala ang iyang coach nga si Munehiro Kugimiya, kinsa nagtudlo usab sa igsuon niini nga si Carlos Yulo.
Human sa malampuson nga pagbansay sa Japan kaniadtong Oktubre, si Eldrew gikatakdang modepensa sa vault apparatus title niini sa Asian Junior Championships sa South Korea gikan sa Hunyo 12 ngadto na sa 16 samtang ang Junior Worlds mosunod usab sa Manila gikan sa Hulyo 12-21.
Gawas sa gold medal sa vault sa Asian Championships sa Uzbekistan, nakadaog usab kini og walo ka bulawan sa Chiu Wai Chung Cup sa Hong Kong kaniadtong Disyembre ug tungod niini, gihatagan si Yulo og Special Citation sa 2024 PSA Awards Night.
Tumong sa managsuong Yulo nga magkauban kini sa 2028 Los Angeles Olympics.
