Naguba sa 4-anyos nga bata sa Israel ang karaang jar nga panahon pa sa bronze age! Mibisita ang pamilyang Geller sa Hecht Museum sa Haifa, Israel ug matod pa sa amahan nga si Alex, gipasagdan niini ang iyang mga anak nga magsuroy-suroy sa museum.
Homan sa pipila ka minuto, nadunggan na lamang niini ang nabuak nga gamit sa museu.
Nahitabo ang gikahadlukan sa amahan sa dihang giduol kini sa staff sa museum aron sultihan kini sa gihimo sa kinamanghurang anak.
Ang nabungkag sa anak niini mao ang usa ka jar nga nagagikan pa sa bronze age o gibana-banaan nga anaa na kini sa 3,000 years old.
Apan inay nga pabayaron ang pamilya Geller, gihimo kini nilang oportunidad sa Hecht Museum aron ipakita sa publiko kung paunsa nila gi-restore ang mga nagubang artifacts.
Naka-display na kini pagbalik sa museum ug halos walay nabag-o sa jar gawas na lamang sa nakabutang nga “Please Don’t Touch”.
