DAVAO CITY – Gipasalig sa kapulisan sa Tagum nga hugtanon pa nila nga bantayan ang mga indibidwal nga malambigit sa mga drag race nga sagad maoy hinungdan sa mga disgrasya ilabi na kung dili na makontrola ang pagpadagan sa motorsiklo.
Kahinumduman nga ang gipahigayon nga drag race sa Tagum City sa milabay nga gabie ang hinungdan sa pagkadisgrasya sa upat ka mga indibidwal.
Kahinumduman nga nahitabo ang insidente sa National Highway, Brgy. Canocotan duol sa Welcon Depot diin upat ka mga tawo ang nalambigit nga gilangkuban sa usa ka Suzuki Multicab nga gimanehpo ni Pedje M. Delima; duruha ka white/black Suzuki Raider Motorcycle nga gimaneho sa usa ka Jasper John E. Romero; Itom nga Suzuki Raider motorcycle, nga gimaneho ni Angelo Zaragoza; ug black/blue Suzuki Raider motorcycle nga gimaneho sa wala pa mailhi nga lalaki.
Sa inisyal nga imbestigasyon sa otoridad, tanan nga mga motor ang mi-agi sa National Highway diin naglumba-anay ang mga nahisgutan ug padagan gikan sa Tagum City paingon na sa Municipality of Carmen direction.
Apan pag-abot nila sa lugar, natunong ang pag-liko sab sa multicab nga maoy hinungdan sa pagka-disgrasya sa mga nahisgutan samtas paspas nga misibat ang lain nila nga nakaatbang sa drag race.
Tungod sa impact, tanan nga mga nalambigit ang nakaangkon ug kadaut ug anaa karon sa kustodiya sa Tagum PNP alang sa tukma nga disposition.
Samtang gipahigayon sab ang follow-up investigation ug natumbok nga susama nga nalamnigit ang mga nahisgutan sa drag racing activities.
Gi-awhag na lamang sa kapulisan ang pampubliko nga gilayong ipahibalo kanila kung adunay mga illegal racing activities pinaagi sa pagtawag sa mga numero nga 0926-7171-522/ 091 97485024.
